მაქს ვერსტაპენმა და კრის ლულჰამმა ნურბურგრინგის ლანგშტრეკენ-სერიის მეცხრე რბოლა მოიგეს.
ორი კვირის შემდეგ, რაც ნორდშლაიფეზე GT3 კლასის სარბოლო ლიცენზია მიიღო, მაქს ვერსტაპენმა დრო არ დაკარგა და ნურბურგრინგის ლანგშტრეკენ-სერიის ეტაპზე იასპარეზა, აზერბაიჯანისა და სინგაპურის გრან პრიებს შორის პერიოდში, Emil Frey Racing-ის Ferrari 293 GT3-ის საჭესთან.
წინა გამოსვლაზე, როდესაც ისინი ნაკლები სიმძლავრის მქონე GT4 მანქანით ასპარეზობდნენ, მხოლოდ 27-ე ადგილი დაიკავეს, თუმცა ამჯერად ნიდერლანდელმა სტარტი მესამე პოზიციიდან აიღო.
სტარტიდან მალევე ვერსტაპენი გალიდერდა და შემდეგ სოლიდური უპირატესობაც მოიპოვა - ერთ მომენტში ოთხგზის მსოფლიო ჩემპიონი თითქმის წუთითაც კი უსწრებდა მდევარს. მან ჯამში დაახლოებით ორი საათი იასპარეზა.
შემდეგ Ferrari 296 GT3-ის საჭესთან ლულჰამი დაჯდა. ბრიტანელმა ლიდერობის შენარჩუნება შეძლო თავის მონაკვეთში და საბოლოოდ ვერსტაპენთან ერთად გამარჯვება მოიპოვა.
მეორე ადგილზე #9 Ford Mustang გავიდა, რომელსაც ბრიტანელი იან მარდენბორო მართავდა. მათი შედეგიც შთამბეჭდავი იყო, რადგან მარდენბორო პირველად ასპარეზობდა ამ ტრასაზე მას შემდეგ, რაც 2015 წელს მომხდარ ინციდენტში მისი მანქანა უსაფრთხოების ბადეს გადაცდა და ტრაგიკული შემთხვევა მოხდა.
უკვე ტიტულებით სავსე კარიერაში ვერსტაპენისთვის ეს კიდევ ერთი მიღწევაა და კიდევ ერთხელ უსვამს ხაზს რედ ბულის პილოტის მრავალმხრივ შესაძლებლობებს.
