მბაპე რონალდუს სადებიუტო სეზონს გაუთანაბრდა და რეკორდამდე 5 გოლი აშორებს

ლეგანესის კარში გატანილი დუბლით კილიან მბაპემ რეალის მაისურით გოლების რაოდენობა 33-მდე გაზარდა.

ამ მაჩვენებლით ის კრიშტიანუ რონალდუს გაუტოლდა, რომელმაც რეალში თავის სადებიუტო სეზონში სწორედ 33 გოლის გატანა შეძლო. პორტუგალიელმა ეს 35 მატჩში გააკეთა, ფრანგს კი 45 თამაშის ჩატარება დასჭირდა.

VIDEO: კარიერაში პირველად - კილიან მბაპემ ჯარიმა გაიტანა

იმისთვის, რომ რეალის ისტორიაში დებიუტანტებს შორის ყველაზე შედეგიანი ფეხბურთელი გახდეს, მბაპეს სეზონის ბოლომდე კიდევ 5 გოლის გატანა სჭირდება.

ამ დრომდე, ამ საპატიო წოდებას ივან სამორანო ინარჩუნებს, რომელმაც რეალის მაისურით თავის პირველ სეზონში 45 მატჩში 37 გოლის გატანა შეძლო.

1. ივან სამორანო - 37 გოლი 45 მატჩში

2. კრიშტიანუ რონალდუ - 33 გოლი 35 მატჩში

3. კილიან მბაპე - 33 გოლი 45 მატჩში

4. რუდ ვან ნისტელროი - 33 გოლი 47 მატჩში

5. რონალდო - 30 გოლი 44 მატჩში.