მძიმე დარტყმა - სერბეთს ბოგდანოვიჩი გამოაკლდა

სერბეთმა მძიმე დარტყმა მიიღო - გუნდის კაპიტანი ბოგდან ბოგდანოვიჩი კუნთის ტრავმის გამო იძულებულია ევრობასკეტ 2025-ის დარჩენილი მატჩები გამოტოვოს.

Meridian Sports-ის ინფორმაციით, დამატებითმა გამოკვლევებმა აჩვენა, რომ ბოგდანოვიჩმა კუნთი გაიწყვიტა და ის ვეღარ შეძლებს მიმდინარე ტურნირზე გუნდის დახმარებას.

ბოგდანოვიჩმა ტრავმა პორტუგალიასთან მატჩში მიიღო, სადაც 15 წუთი ითამაშა.

ორ შეხვედრაში, სადაც მონაწილეობა მიიღო, 33 წლის მოთამაშე საშუალოდ 20 წუთს, 9.0 ქულას, 3.5 მოხსნას, 4.0 გადაცემას და 12.5 ეფექტურობის ქულას აგროვებდა.

სერბეთს A ჯგუფში 3-0 ბალანსი აქვს, თუმცა ბოლო ორი გამარჯვება – პორტუგალიასთან (80-69) და ლატვიასთან (84-80) – მძიმე ბრძოლების შემდეგ მოიპოვა.

ნიკოლა იოკიჩმა ლატვიასთან 39 ქულით და 10 მოხსნით ეროვნულ ნაკრებში კარიერის რეკორდი დაამყარა.