ტრაგედია სერბეთში - მწვრთნელი მატჩის დროს გარდაიცვალა

სერბულ ფეხბურთს კვირა საღამოს ტრაგედია დაატყდა.

რადნიჩკი 1923-ის მთავარი მწვრთნელი მლადენ ჟიჟოვიჩი მლადოსტ ლუჩანისთან სუპერლიგის მატჩის დროს მოედანზე წაიქცა და მიუხედავად სწრაფი სამედიცინო ჩარევისა, გარდაიცვალა. ის მხოლოდ 44 წლის იყო.

სერბული მედიის ცნობით, ჟიჟოვიჩი პირველ ტაიმში მოულოდნელად დაეცა მოედნის ხაზთან . სამედიცინო ჯგუფებმა დაუყოვნებლივ მიირბინეს და მისი გადარჩენა სცადეს, თუმცა მწვრთნელის სიცოცხლის შენარჩუნება ვერ მოხერხდა. მატჩი მაშინვე შეწყდა, ფეხბურთელები და პერსონალი შოკში იყვნენ.

ჟიჟოვიჩი კარგად იყო ცნობილი ბალკანური ფეხბურთის გულშემატკივრებისთვის. როგორც ბორაც ბანია ლუკას მთავარი მწვრთნელი, მან ისტორიული გამარჯვება მოიპოვა ოლიმპია ლიუბლიანას წინააღმდეგ ევროპულ ტურნირზე. ამ შედეგმა მას ფართო აღიარება მოუტანა ბოსნიასა და სლოვენიაში.

ჟიჟოვიჩმა რადნიჩკი 1923 სულ რაღაც ერთი თვის წინ ჩაიბარა. მან გუნდი ჩემპიონატის მხოლოდ ორ მატჩში გამოიყვანა, სანამ ეს საშინელი ტრაგედია მოხდებოდა.