ევრობასკეტ 2025-ის მერვედფინალში უდიდესი სენსაცია დაფიქსირდა.
მერვედფინალური ეტაპის მეოთხე მატჩში სერბეთი ფინეთს დაუპირისპირდა.
პირველი მეოთხედი ფინეთის გამარჯვებით 24-28 დასრულდა, თუმცა მეორე მეოთხედში სერბებმა მინი ქამბექი შეასრულეს და შესვენებაზე 4-ქულიანი უპირატესობით (48-44) გავიდნენ.
მესამე მეოთხედში უკვე ფინელებმა შეასრულეს ქამბექი და მეოთხე მეოთხედის დაწყებისას ანგარიში 66-68 იყო. ბოლო მეოთხედში სერბებმა ორი ქულით წინ გასვლა მოახერხეს, თუმცა ფინეთმა გაქცევა მოახერხა და საბოლოოდ მატჩში 86-92 იმარჯვა.
შეხვედრაში ქულებით ნიკოლა იოკიჩი გამოირჩა, რომელმაც 33 ქულა და 8 მოხსნა მიითვალა, გამარჯვებულ გუნდს კი ლაური მარკანენმა ულიდერა 29 ქულითა და 8 მოხსნით.
ფინეთი ევრობასკეტის ისტორიაში ერთ-ერთი უდიდესი სენსაციის შემოქმედი გახდა, ტურნირის ფავორიტად შერაცხული სერბეთი კი გათამაშებას 1/8 ფინალში გამოეთიშა.
ფინელები მომდევნო ეტაპზე საქართველოსა და საფრანგეთს შორის გამარჯვებულს შეხვდებიან.
მერვედფინალური ეტაპის პირველ დღეს ოთხი მეოთხედფინალისტი გაირკვა - თურქეთი, გერმანია, ლიეტუვა და ფინეთი.
ლიეტუვამ ლატვია დაამარცხა და ევრობასკეტის 1/4 ფინალშია
