ევრობასკეტ 2025-ზე მორიგი მერვედფინალური მატჩი გაიმართა.
მესამე მეოთხედფინალისტის ვინაობა რიგაში ლიეტუვასა და ლატვიას შორის მატჩში გაირკვა.
პირველი ტაიმი ლიეტუველთა უპირატესობით წარიმართა და საბოლოოდ შესვენებაზე 10-ქულიანი სხვაობით გავიდნენ (47-37).
ლიეტუველებმა მეოთხე მეოთხედში უპირატესობა 15 ქულამდე გაზარდეს, თუმცა ლატვიელებმა სხვაობის 4 ქულამდე შემცირება მოახერხეს, მაგრამ ამაზე მეტი ვერ მოახერხეს.
საბოლოოდ მატჩი ლიეტუველების გამარჯვებით 88-79 დასრულდა და მასპინძელი ქვეყანა ევრობასკეტს გამოეთიშა.
თამაშში გამორჩეული კრისტაპს პორზინგისი იყო, რომელმაც ორმაგი დუბლი მიითვალა - 34 ქულა, 19 მოხსნა - თუმცა ლატვიისთვის ეს საკმარისი არ აღმოჩნდა. მოგებული გუნდიდან ქულებში არნას ველიცკა გამოირჩა, რომელმაც ასევე ორმაგი დუბლი ჩაიწერა აქტივში - 21 ქულა, 12 შედეგიანი გადაცემა.
თურქეთისა და გერმანიის შემდეგ ლიეტუვა მიმდინარე ევრობასკეტის კიდევ ერთი მეოთხედფინალისტი გახდა. ბალტიისპირელები მომდევნო ეტაპზე საბერძნეთსა და ისრაელს შორის გამარჯვებულს შეხვდებიან.
პორტუგალია ბოლო მეოთხედში გატყდა - გერმანია ევრობასკეტის 1/4 ფინალშია
