ლატვიის დედაქალაქ რიგაში ევრობასკეტ 2025-ის ფინალი გაიმართა.
ტურნირის გადამწყვეტ მატჩში ერთმანეთს თურქეთი და გერმანია დაუპირისპირდნენ და საკმაოდ დაძაბული და სანახაობრივი თამაშიც ვიხილეთ.
მატჩის პირველი მეოთხედი თანაბრად წარიმართა და გერმანელთა მცირე უპირატესობით დასრულდა (22-24), მეორე მეოთხედში კი თურქებმა შეძლეს უპირატესობის მოპოვება (46-40).
მეორე ტაიმში თამაში კვლავ თანაბრად წარიმართა და ბოლო მეოთხედის წინ ანგარიში 67-66 იყო. გადამწყვეტ მეოთხედში კი ბოლო წუთებამდე თამაში ქულა ქულაში მიდიოდა. საბოლოოდ გერმანელებმა გადამწყვეტი უპირატესობა მოიპოვეს და მატჩი მათი გამარჯვებით 83-88 დასრულდა.
გამარჯვებულ გუნდს ისააკ ბონგამ (20 ქულა), ფრანც ვაგნერმა (18 ქულა) და დენის შროდერმა (16 ქულა, 12 შედეგიანი გადაცემა) ულიდერეს.
გერმანია 2 წლის წინ მსოფლიო ჩემპიონობის შემდეგ, უკვე ევროპის ჩემპიონიც გახდა. გერმანელები ევრობასკეტის გამარჯვებული ისტორიაში მეორედ გახდნენ, მათ პირველად 1993 წელს მოიგეს ტიტული.
ფინალური მატჩის საუკეთესო მოთამაშედ ისააკ ბონგა დასახელდა, ტურნირის MVP კი დენის შროდერი გახდა.
16-წლიანი პაუზის შემდეგ - საბერძნეთმა ევრობასკეტზე მედალი მოიპოვა
