ევრობასკეტ 2025-ზე მე-3 ადგილისთვის მატჩი გაიმართა.
ბრინჯაოს მედლისთვის ერთმანეთს საბერძნეთი და ფინეთი დაუპირისპირდნენ.
შეხვედრა ბერძენთა უპირატესობით დაიწყო და პირველი მეოთხედი 24-15 დასრულდა, საბოლოოდ კი საბერძნეთმა პირველი ტაიმი 14-ქულიანი სხვაობით მოიგო (48-34).
მესამე მეოთხედში ბერძნებმა უპირატესობა კვლავ შეინარჩუნეს (69-56), თუმცა ბოლო მეოთხედში ფინელებმა გაიბრძოლეს. ბოლო 10 წუთში ფინეთის ნაკრებმა 33 ქულა მიითვალა, საპასუხოდ კი 23 მიიღო, თუმცა ეს თამაშის მოტრიალებისთვის საკმარისი არ აღმოჩნდა.
საბერძნეთმა ფინეთი 92-89 დაამარცხა და ევრობასკეტ 2025-ის ბრინჯაოს პრიზიორი გახდა.
ბერძნებს ტრადიციულად იანის ანტეტოკუნმპომ ულიდერა, რომელმაც 30 ქულა და 17 მოხსნა მიითვალა, ფინელთა მხრიდან კი გამორჩუელი ლაური მარკანენი იყო 19 ქულითა და 10 მოხსნით.
საბერძნეთის ნაკრებმა ევრობასკეტზე მედალი 16-წლიანი პაუზის შემდეგ მოიპოვა, ბოლოს ეს ბერძნებმა 2009 წელს შეძლეს.
ტურნირის ფინალური მატჩი 22:00 საათზე გერმანიასა და თურქეთს შორის გაიმართება/
