ევრობასკეტ 2025-ზე თურქეთსა და სერბეთს შორის საოცარი მატჩი გაიმართა.
ჯგუფური ეტაპის მე-5 ტურში A ჯგუფის ლიდერები ერთმანეთს დაუპირისპირდნენ. მატჩი თურქების გამარჯვებით 95-90 დასრულდა.
მოგებულ გუნდს ალფერენ შენგუნმა (28 ქულა, 13 მოხსნა და 8 შედეგიანი გადაცემა) და შეინ ლარკინმა (23 ქულა, 9 შედეგიანი გადაცემა) ულიდერეს.
ნიკოლა იოკიჩის პერფორმანსი კი სერბეთს გამარჯვებისთვის არ ეყო - 22 ქულა, 9 მოხსნა, 4 შედეგიანი გადაცემა.
თურქეთმა ჯგუფური ეტაპი დაუმარცხებლად დაასრულა, ხუთიდან ხუთივე შეხვედრა მოიგო და 1/8 ფინალში პირველი ადგილით გავიდა, სერბეთმა კი ჯგუფში მეორე ადგილი დაიკავა.
მე-3 ადგილი ლატვიამ დაიკავა, რომელმაც 3 შეხვედრა მოიგო, პორტუგალია კი ევრობასკეტის პლეიოფში ისტორიაში პირველად გავიდა.
