მილანის ყოფილმა ნახევარმცველმა და 1969 წლის ოქროს ბურთის მფლობელმა, ჯანი რივერამ, La Repubblica-სთან ინტერვიუში მკაფიოდ დააფიქსირა, რომ იტალიის ნაკრებში რობერტო მანჩინის დაბრუნების წინააღმდეგია.
რივერას მიაჩნია, რომ მანჩინიმ საკუთარი არჩევანით გულშემატკივრების ნდობა საბოლოოდ დაკარგა:
რობერტოს გამო მართლა ვწუხვარ. მაგრამ, როდესაც ის საუდის არაბეთში გაიქცა, მან მიიღო გადაწყვეტილება, რომლის შემდეგაც არავის აღარ უნდა მისი ხილვა ნაკრების მთავარი მწვრთნელის პოსტზე.
სამწუხაროდ, მას ეს დღემდე არ ესმის. მან ისევ გამოთქვა ნაკრების ჩაბარების მზადყოფნა, თუმცა ის ერთ-ერთი პირველი იყო, ვინც გუნდს ზიანი მიაყენა. იმედი მაქვს, ის მწვრთნელის სკამს არ დაუბრუნდება.
შეგახსენებთ, რომ მანჩინი იტალიას 2018-2023 წლებში წვრთნიდა, მოიგო ევრო 2020, თუმცა ვერ გავიდა 2022 წლის მუნდიალზე. 2023 წელს მან საუდის არაბეთის ნაკრები ჩაიბარა, ამჟამად კი კატარული ალ სადის მწვრთნელია.
