იტალიის სერია ა-ს პირველ ტურში მილანმა სან სიროზე კრემონეზე მიიღო.
მატჩში ანგარიში 28-ე წუთზე ფედერიკო ბასკიროტომ გახსნა და სტუმრები დააწინაურა. ტაიმის კომპენსირებულ დროში სტრაჰინია პავლოვიჩმა ანგარიში გაათანაბრა და მატჩის პირველი ნახევარი 1-1 დასრულდა.
მეორე ტაიმში მაყურებელმა ერთადერთი გოლი იხილა, თუმცა ამ ერთ გოლად ღირდა მთელი შეხვედრა.
61-ე წუთზე ჯუზეპე პეცელას საჯარიმოში ჩაწოდების შემდეგ ფედერიკო ბონაცოლიმ მაკრატელა დარტყმით ბრწყინვალე გოლი გაიტანა და თავისი გუნდი წინ გაიყვანა.
ბონაცოლის ეს გოლი თამაშში გადამწყვეტი აღმოჩნდა და კრემონეზემ სერია ა-ს პირველ ტურში სან სიროზე სენსაციურად იმარჯვა.
სტუმართა განაცხადში იყო 20 წლის ქართველი ნახევარმცველი დაჩი ლორთქიფანიძე, თუმცა მას თამაშის შანსი არ მისცემია.
