ხვიჩა კვარაცხელია საფრანგეთის ლიგა 1-ის მეორე ტურში, ლილთან გამართულ მატჩში პარი სენ-ჟერმენის სასტარტო შემადგენლობის მიღმა დარჩა.
ლუის ენრიკემ წინა ტურში დაფიქსირებული არადამაჯერებელი თამაშის შემდეგ, გუნდის შეტევის ხაზი სრულად გადაახალისა და ქართველ შემტევს ადგილი მხოლოდ სათადარიგოთა სკამზე გამოუძებნა.
წინა ტურის კრახი და შეცვლილი ტაქტიკა
სეზონის სადებიუტო მატჩში, სადაც პსჟ რენს დაუპირისპირდა, კვარაცხელიამ და უსმან დემბელემ თამაში ძირითადიდან დაიწყეს. თუმცა, პირველი ტაიმის შემდეგ, როცა გუნდი 0:2-ს აგებდა, მწვრთნელმა ორივე მათგანი შეცვალა. მოედანზე ფერან ტორესი და მიკა გოდტსი გამოვიდნენ, რამაც თამაში შემოატრიალა, ტორესმა დუბლი შეასრულა და პარიზელებმა ფრე (2:2) გადაარჩინეს. სწორედ ამან განაპირობა ლილთან მატჩში ფერანისა და აკლიუშის ძირითადში გამოჩენა.
ლუის ენრიკეს მკაცრი გზავნილი
მთავარმა მწვრთნელმა ღიად განაცხადა, რომ სტატუსის მიუხედავად, გარანტირებული ადგილი არავის აქვს:
ფეხბურთი ასეთია. პსჟ-ს ჯერ არაფერი მოუგია და წარსული დამსახურებების გამო აქ კრედიტი არავის აქვს. თუ იმაზე იფიქრებ, რა გაქვს მოგებული, მეტს ვეღარაფერს მოიგებ. ყოველდღე, ყველა თამაშში უნდა დაამტკიცო, რომ მზად ხარ. კომფორტის ზონიდან გამოსვლა აუცილებელია
ლილთან დაპირისპირებაში სამწვრთნელო შტაბის რეკომენდაციით დაისვენა უსმან დემბელემ, ნუნუ მენდეშმა კი შეხვედრა დისკვალიფიკაციის გამო გამოტოვა.
კვარაცხელიას ახლა ენრიკესთვის იმის დამტკიცება მოუწევს, რომ ძირითადში ადგილს კვლავ იმსახურებს, რათა პარიზულმა კლუბმა საჩემპიონო რბოლაში სტაბილურობა შეინარჩუნოს.
