MMA-ში შესაძლოა რაუნდების შეფასების წესი შეცვალონ.
ამის შესახებ კრივის კომისიათა ასოციაციების (ABC) წარმომადგენელმა ოფიციალურად განაცხადა.
უახლოეს კონფერენციაზე წარმოდგენილი იქნება განახლებული წესების კრებული, რომელიც UFC-ის ყოფილი მსაჯის, ჯონ მაკარტის შუამდგომლობით შემუშავდა.
ცვლილების მთავარი მიზანია, გამარჯვებულის განსაზღვრის გადამწყვეტი ფაქტორი გახდეს მოწინააღმდეგისთვის მიყენებული ზიანის შეფასება.
ამ ეტაპზე, გამარჯვების მთავარ ფაქტორად ეფექტური დარტყმები და ჭიდაობა მოიაზრება. თუმცა კონფერენციაზე აპირებენ, რომ ამ მიდგომას გადახედონ და საკვანძო როლი მიყენებულ ზიანს მიანიჭონ.
„ახალი დოკუმენტი უფრო მკაფიოდ განმარტავს, თუ როგორ უნდა შეაფასონ მსაჯებმა მებრძოლთა ქმედებები. პრიორიტეტული ასპექტი იქნება მიყენებული ზიანი." - განაცხადა კრივის ასოციაციების თავმჯდომარემ, ენდი ფოსტერმა.
