ჟოზე მოურინიომ განაცხადა, რომ გუშინდელი მატჩის შემდეგ, რეალის მთავარ მწვრთნელს, ალვარო არბელოას ბოდიში მოუხადა.
თამაშის დასრულების შემდეგ, რომელიც ჟოზეს ბენფიკამ 4:2 მოიგო და 24 საუკეთესოში ადგილი ბოლო წამზე გოლით გაინაღდა, ჟურნალისტმა „განსაკუთრებულს" ჰკითხა, რა უთხრა მან თავის ყოფილ შეგირდს, ალვარო არბელოას, რომელსაც სწორედ რეალში წვრთნიდა.
— რა უთხარით არბელოას?
„ბოდიში მოვუხადე იმისთვის, თუ როგორ აღვნიშნე გატანილი გოლი. ის საფეხბურთო ადამიანია და იცის, რომ ასეთ მომენტებში ყველაფერი გვავიწყდება." — აღნიშნა პორტუგალიელმა.
