მოურინიომ ტრენტს ახალი მნიშვნელოვანი როლი მოუძებნა

ტრენტ ალექსანდერ-არნოლდი მადრიდის რეალში თავის მეორე სეზონს იწყებს.

ინგლისელმა ფეხბურთელმა, რომელმაც გასულ სეზონში ტრავმების გამო 30 მატჩი ითამაშა, მსოფლიო ჩემპიონატზე მოხვედრა ვერ შეძლო, რაც მისთვის დამატებითი მოტივაციის წყარო გახდა.

ზაფხულის განმავლობაში მან სპეციალისტებთან ინტენსიურად იმუშავა, რამაც მას კარიერაში ყველაზე ხანგრძლივი და სრულფასოვანი პრესეზონის გავლა საშუალება მისცა.

ჟოზე მოურინიოს ტაქტიკურ სქემებში ტრენტის როლი კიდევ უფრო მრავალფეროვანი ხდება. მიუხედავად იმისა, რომ კლუბმა ინტერიდან გამოცდილი დენზელ დუმფრისი დაიმატა, მოურინიო ალექსანდერ-არნოლდს უნივერსალურ მოთამაშედ განიხილავს, რომელსაც შეუძლია არა მხოლოდ დაცვის მარჯვენა ფლანგი გაამაგროს, არამედ ნახევარმცველის პოზიციაზეც იასპარეზოს.

პორტუგალიელი სპეციალისტი მიიჩნევს, რომ ტრენტის უნიკალური საგოლე პასები და თამაშის ხედვა კილიან მბაპეს, ვინისიუს ჟუნიორისა და იან დიომანდეს დასახმარებლად უნდა გამოიყენონ.

მოურინიოს სამწვრთნელო შტაბი აღნიშნავს, რომ ალექსანდერ-არნოლდი ვარჯიშებზე ძალიან კონცენტრირებულია და გუნდის ერთ-ერთ ლიდერად დამკვიდრებას ცდილობს.