ლოთარ მათეუსმა ჯამალ მუსიალას გარშემო შექმნილი ვითარების გამო ბაიერნის ხელმძღვანელობა გააკრიტიკა.
ყოფილი ნახევარმცველის აზრით, კლუბმა საკითხი ფეხბურთელის წარმომადგენლებთან პირადად უნდა განიხილოს.
„მთელი კვირა გაოცებული ვიყავი. ჯერ ული ჰიონესმა ისაუბრა, შემდეგ იან-კრისტიან დრეზენმა, ბოლოს კი კარლ-ჰაინც რუმენიგემაც მკაფიო განცხადება გააკეთა. მას დიდ პატივს ვცემ, მაგრამ ეს სიტყვები შემთხვევით არ შეურჩევია.
ბოლო ორი წელია, ბაიერნს ერთ დიდ, შეკრულ ოჯახად ვიხსენიებთ. მაშინ რატომ არ შეიძლება, კლუბი და მუსიალას მხარე ერთად დასხდნენ და ყველაფერი პირადად განიხილონ?“ - თქვა მათეუსმა.
მისი თქმით, კლუბი ფეხბურთელის წარმომადგენლებს ჯერ არ დაკავშირებია და საუბარი აღარ უნდა გადადოს.
„ყველაზე მეტად ჯამალი ზარალდება. მასზე ზეწოლაა და მისგან ბევრს ელიან, განსაკუთრებით მაშინ, როცა გუნდში ამდენი ტრავმირებულია.
დაელაპარაკეთ ერთმანეთს და გამოსავალი იპოვეთ!“