გარი ნევილმა Sky Sports-ის ეთერში ლივერპულის ვარსკვლავები, ფლორიან ვირცი და ალექსანდერ ისაკი მძიმედ გააკრიტიკა.
ყოფილი ფეხბურთელის თქმით, მედია და ექსპერტები ამ ნახევარ მილიარდად შეძენილი დუეტის მიმართ ზედმეტად კეთილები და დამთმობები არიან, მიუხედავად იმისა, რომ მათ მოლოდინები ჯერ კიდევ ვერ გაამართლეს.
ნევილმა განსაკუთრებული ყურადღება ფლორიან ვირცზე გაამახვილა და აღნიშნა, რომ გერმანელი ნახევარმცველი მოედანზე ზედმეტად რბილად და უინიციატივოდ გამოიყურება:
ვირცში ვერ ვხედავ მებრძოლ სულს. ის უბრალოდ მოსიარულე კარგი ფეხბურთელია, რომელსაც არ ეტყობა, რომ თავდადებისთვის მზადაა.
მისი თქმით, ვირცი ხშირად არასწორ პოზიციებს ირჩევს, ძალიან ღრმად იწევს უკან და თამაშის ბედის წყვეტა სწორედ საჯარიმოს მისადგომებსა და დასკვნით ფაზაში არ შეუძლია.
მიუხედავად იმისა, რომ ნევილი ორივე ფეხბურთელის უზარმაზარ ტალანტსა და პოტენციალს აღიარებს, ის აფრთხილებს მათ, რომ თუ მალე უკეთეს პერფომანსებს არ აჩვენებენ, კრიტიკის ტალღა კიდევ უფრო გაძლიერდება.
