ბელგიურ იუპილერლიგაში დებიუტის შემდეგ ნიკოლოზ ჩიქოვანმა დიდ ბრიტანეთში სამუშაო ვიზის მიღებისთვის საჭირო ქულები დააგროვა და უოტფორდი 18 წლის შემტევს იანვარშივე დაიბრუნებს.
ფეხბურთელის სათამაშო წუთი საკმარისი იყო ყველა პროცედურის მოსაგვარებლად - მატჩამდე უოტფორდი და შარლერუა ამაზე შეთანხმდნენ.
იანვრის საწყის დღეებში ნიკოლოზ ჩიქოვანი ინგლისში გაფრინდება და საწვრთნელ პროცესს უოტფორდის მთავარ გუნდთან ერთად გააგრძელებს. - ინფორმაციას Geo Team ავრცელებს.
ქართველი ფეხბურთელის ტრანსფერი ინგლისურმა კლუბმა გასულ ზაფხულს დაადასტურა და შემდეგ ბელგიურ შარლერუაში გაანათხოვრა, რათა სამუშაო ვიზის მიღება მისთვის გამარტივებულიყო.
შარლერუას მწვრთნელმა ჩიქოვანი ანდერლეხტთან მატჩის ბოლო წუთზე შეუშვა მოედანზე, რომელიც ქართველის გუნდმა 1-2 მოიგო.
