ნოტინგემის დომინაცია - პრემიერ ლიგაში თვის საუკეთესოები დასახელდნენ

ინგლისის პრემიერ ლიგაში ოქტომბრის თვის საუკეთესოები დასახელდნენ.

თვის საუკეთესო მოთამაშე ნოტინგემ ფორესტის თავდამსხმელი, კრის ვუდი გახდა. ზელანდიელმა მოთამაშემ ოქტომბერში ჩატარებულ 3 მატჩში 4 გოლის გატანა შეძლო.

ვუდი გახდა ნოტინგემის ისტორიაში პირველი მოთამაშე, რომელიც პრემიერ ლიგის თვის საუკეთესო მოთამაშედ დასახელდა.

თვის საუკეთესო მწვრთნელი კი ასევე ნოტინგემის თავკაცი ნუნუ ეშპირიტუ სანტუ გახდა. ფორესტმა ოქტომბერში ჩატარებულ 3 მატჩში 7 ქულა მოიპოვა და პრემიერ ლიგის სატურნირო ცხრილში მე-3 ადგილზეა. პორტუგალიელის თავკაცობით ნოტინგემი საოცარ ფორმაშია.