პრემიერ ლიგიდან გავარდნის შემთხვევაში, მანჩესტერმა შესაძლოა ადიდასი დაკარგოს

პრემიერ ლიგიდან გავარდნის შემთხვევაში, Adidas-მა შესაძლოა მანჩესტერ იუნაიტედს კონტრაქტი გაუწყვიტოს.

The Telegraph-ის ინფორმაციით, შეთანხმების თანახმად, არსებობს ალტერნატიული ვარიანტიც: თუ იუნაიტედი ინგლისის უმაღლეს დივიზიონში ვერ ითამაშებს, გერმანული კომპანია მას შემოსავალს ორჯერ შეუმცირებს: 90-დან 45 მილიონ ევრომდე.

2023 წლის ივლისში მხარეებმა 900-მილიონიანი კონტრაქტი 10 წლით გააფორმეს, წინა ხელშეკრულებით მანჩესტერი ადიდასისგან 750 მილიონს იღებდა.

19 ტურის შემდეგ მანჩესტერი პრემიერ ლიგაში მე-14 ადგილს იკავებს და გასავარდნ ზონას 7 ქულით არის მოცილებული.