ომი ალ-ნასრში: რონალდუს პროტესტს მთავარი მწვრთნელი ჟორჟე ჟეზუში უერთდება

ყველა მცდელობა, რომ კრიშტიანუ რონალდუს ალ-იტიჰადთან დღევანდელ მატჩში მონაწილეობა მიეღო, კრახით სრულდება.

ამის შესახებ Ar-Riyadiyah საკუთარ წყაროებზე დაყრდნობით იტყობინება.

პორტუგალიის ნაკრების 40 წლის ფორვარდმა ალ-რიადთან შეხვედრა გამოტოვა და არც თამაშის შემდგომ ვარჯიშში მიუღია მონაწილეობა. ინსაიდერ ფაბრიციო რომანოს ინფორმაციით, დიდია ალბათობა, რომ პორტუგალიელმა ალ-იტიჰადთანაც არ ითამაშოს.

"ამაზე გავლენის მოხდენა არავის შეუძლია" - საუდის პრო ლიგის პასუხი რონალდუს

წყაროების თანახმად, ფეხბურთელის დაყოლიების მცდელობები უშედეგო აღმოჩნდა, რადგან რონალდუ ალ-ნასრის მფლობელების მიმართ უკმაყოფილებას გამოთქვამს. პროტესტის მიზეზი ზამთრის სატრანსფერო ფანჯრის დროს ახალი მოთამაშეების არ მოყვანა და მისი ადმინისტრაციული გუნდის — გენერალური დირექტორის, ჟოზე სემედუსა და სპორტული დირექტორის, სიმაუ კოუტინიოს უფლებამოსილების შეჩერება გახდა.

აღსანიშნავია, რომ ალ-ნასრის მთავარმა მწვრთნელმა, ჟორჟე ჟეზუშმა, სოლიდარობა გამოუცხადა თავის თანამემამულეს და მფლობელების წინააღმდეგ პროტესტის ნიშნად, შესაძლოა, ალ-იტიჰადთან მატჩის შემდგომ პრესკონფერენციაზე არ გამოცხადდეს. მწვრთნელმა უკვე გამოტოვა წინა ტურის შემდგომი და დღევანდელი თამაშისწინა პრესკონფერენციები.