კონფლიქტი უკვე აშკარაა - ერთ მხარეს გასპერინია, მეორე მხარეს კი რანიერი. ორივემ საჯაროდ გამოხატა თავისი პოზიცია და გამოააშკარავა ის ბზარი, რომელიც თვეების განმავლობაში ზედაპირული განცხადებების მიღმა იმალებოდა.
სიტუაცია ასეთია: მასარა, რომელსაც ხშირად მწვრთნელის კრიტიკის სამიზნედ მიიჩნევდნენ, სინამდვილეში ორ ცეცხლს შუა აღმოჩნდა.
რანიერის განცხადებები ამერიკელი მფლობელების, ფრიდკინების ინტერესებს უკავშირდება. მისი სიტყვები ძალიან მკაფიო პოზიციას გამოხატავს. რთული წარმოსადგენია, რომ მისნაირი გამოცდილების მქონე კაცს ასე ღიად ელაპარაკა, თუ ეს ხელმძღვანელობის საერთო აზრი არ იქნებოდა.
როგორც გაზეთი Il Messaggero წერს, ასეთ პირობებში მუშაობა დიდხანს ვეღარ გაგრძელდება. მათ შორის განსხვავება არა მხოლოდ ყოველდღიურ მართვაშია, არამედ სტრატეგიულ ხედვაშიც.
ერთი მხრივ, გასპერინის უნდა, რომ გუნდს რამდენიმე ხარისხიანი ფეხბურთელი დაემატოს, რათა საერთო დონე აიწიოს. მეორე მხრივ კი მფლობელები იძულებულები არიან ფინანსური წესების გამო უფრო ფრთხილი გზა იპოვონ.
ამ ვითარებაში რანიერისა და გასპერინის მომავალ შეხვედრას გადამწყვეტი მნიშვნელობა აქვს. კიდევ უფრო მეტი გაუგებრობა რომ არ მოხდეს, საჭიროა მფლობელების მხრიდან ოფიციალური ჩარევა და არა მინიშნებებით ლაპარაკი, რადგან ეს გაურკვევლობას კიდევ უფრო ზრდის. ჭორები მწვრთნელის შესაძლო შეცვლაზე დიდ ქაოსს ქმნის. შედეგად საზოგადოება ორად გაიყო: ნაწილი ფიქრობს, რომ რანიერი თავის აზრს ამბობს, ნაწილი კი დარწმუნებულია, რომ ის მფლობელების დავალებით ლაპარაკობს
