ოფიციალურად: ჭიაბრიშვილი დინამო ბათუმის ახალი მწვრთნელია

დინამო ბათუმის ოფიციალური განცხადებით, გიორგი ჭიაბრიშვილი გუნდის ახალი მთავარი მწვრთნელია.

კლუბმა ახალი მწვრთნელი უკვე წარადგინა კიდეც. ჭიაბრიშვილმა აჭარული გუნდის მთავარი მწვრთნელის პოსტზე ანდრეი დემჩენკო ჩაანაცვლა, რომელიც ცოტა ხნის წინ არადამაკმაყოფილებელი შედეგის გამო გაათავისუფლეს.

ქართველ სპეციალისტს საქართველოს ჩემპიონატის 4 გუნდში უმუშავია - ზესტაფონი, საბურთალო, ლოკომოტივი და დინამო თბილისი.

ჭიაბრიშვილმა ზესტაფონს, საბურთალოსა და დინამო თბილისს საქართველოს ჩემპიონატი მოაგებინა, საბურთალოსთან ერთად კი საქართველოს თასიც მოიგო.

რაც შეეხება დინამო ბათუმს, გუნდი ამ მომენტისთვის ეროვნული ლიგის სატურნირო ცხრილში 42 ქულით მე-4 ადგილზეა და მესამეადგილოსან იბერიას 13 ქულით ჩამორჩება.