ოფიციალურად: გრიზმანმა ატლეტიკოსთან კონტრაქტი გაახანგრძლივა

მადრიდის ატლეტიკოს ოფიციალური გვერდის ინფორმაციით, ანტუან გრიზმანმა კლუბთან კონტრაქტი გაახანგრძლივა, რომელიც 2026 წელს იწურებოდა.

ფრანგმა ფეხბურთელმა ახალი ხელშეკრულება 2027 წლის 30 ივნისამდე გააფორმა.

გრიზმანი ატლეტიკოს 2014 წელს სოსიედადიდან შეუერთდა, 2019 წელს ბარსელონაში გადავიდა, 2021 წელს კი ისევ მადრიდში დაბრუნდა.

როხიბლანკოში გატარებულ 9 სეზონში ფრანგი გატანილი 197 გოლით კლუბის ისტორიაში საუკეთესო ბომბარდირია, ჩატარებული მატჩებით (442) კი ის ყველა დროის სიაში მე-8 ადგილზეა.

გრიზმანმა ატლეტიკოსთან ერთად ესპანეთის სუპერ თასი (2014), უეფას სუპერ თასი (2018) და უეფას ევროპა ლიგა (2018) მოიგო.

ამერიკული MLS-დან LAFC-ის შემოთავაზების მიუხედავად, ფრანგი კარიერას კვლავ ლა ლიგაში გააგრძელებს.