ოქრო ახალ წონაში - სარდალაშვილი ევროპის ღია პირველობის ჩემპიონი გახდა

გიორგი სარდალაშვილი ბოსნიის დედაქალაქ სარაევოში გამართული ძიუდოს ევროპის ღია პირველობის ჩემპიონი გახდა.

აღსანიშნავია, რომ 60 კგ. წონით კატეგორიაში მსოფლიოსა და ევროპის ჩემპიონმა ქართველმა 66 კგ.-ში იასპარეზა, ზედიზედ 2 მატჩი მოიგო და 1/2 ფინალში გავიდა, იქ ხორვატ დანი კლაჩარს აჯობა, ხოლო სატიტულო შეხვედრაში გერმანელი პატრიკ ვაიზერი დაამარცხა.

ცნობისთვის, გიორგი სარდალაშვილი 2024 წელს მსოფლიო ჩემპიონი გახდა, 2025-ში კი ევროპის ჩემპიონატი მოიგო, 2026-ის აპრილში, თბილისში გამართულ ევროპის ჩემპიონატზე ფინალში გავიდა - საფრანგეთის სახელით მოასპარეზე ლუკა მხეიძესთან დამარცხდა.

სარაევოს ევროპის ღია პირველობაზე, ბრინჯაოს მედალი მოიპოვა თორნიკე მოსიაშვილმა (73 კგ.), რომელმაც ეს რეპეშაჟიდან შეძლო.

დღეს ტატამზე კიდევ ორ ქართველს ვიხილავთ - ირაკლი ბეროშვილსა (81 კგ.) და ლუკა მაისურაძეს (90 კგ.).