პრემიერ ლიგის ყოფილი თავდამსხმელი ფაბიო ბორინი სალფორდ სიტის შეუერთდა, რომელიც ინგლისის ლიგა 2-ში (მეოთხე დივიზიონი) ასპარეზობს და რომლის მფლობელებიც დევიდ ბექჰემი და გარი ნევილი არიან.
34 წლის ბორინიმ, რომელმაც აქამდე ჩელსის, ლივერპულისა და სანდერლენდის ღირსებას იცავდა, პრემიერ ლიგაში ჩატარებულ 111 შეხვედრაში 16 გოლი გაიტანა.
იტალიის ნაკრების ყოფილმა ფეხბურთელმა, რომელიც ივლისში სამპდორიადან წასვლის შემდეგ თავისუფალი აგენტი იყო, ახლა სალფორდთან მოკლევადიან კონტრაქტს მოაწერა ხელი მას შემდეგ, რაც გარკვეული დროით კლუბთან ერთად ვარჯიშობდა.
ბორინის კარიერის განმავლობაში ჩელსიში, სუონსიში, პარამაში, ლივერპულში, სანდერლენდში, მილანში, ჰელას ვერონაში, ქარაგიუმრიუქსა და სამპდორიაში უთამაშია.
სალფორდ სიტი 2014 წელს მანჩესტერ იუნაიტედის ყოფილი მოთამაშეების ნიკი ბატის, რაიან გიგზის, გარი ნევილის, ფილ ნევილისა და პოლ სქოულზის მფლობელობაში გადავიდა, გარკვეულ წილს კი სინგაპურელი ბიზნესმენი პიტერ ლიმიც ფლობდა.
2025 წლის მაისში კლუბი სრულად გადავიდა იმ კონსორციუმის მფლობელობაში, რომელსაც დევიდ ბექჰემი და გარი ნევილი წარმოადგენენ.
