UFC 329-ის შემდეგ პედი პიმბლეტმა საკუთარ YouTube-არხზე კულისებს მიღმა გადაღებული ვიდეო გამოაქვეყნა, სადაც ჩანს, თუ როგორ ხუმრობს ის დანა უაითთან და როგორ ხვდება მაქს ჰოლოუეის.
პიმბლეტი, რომელიც ბენუა სენ-დენისთან გამარჯვების შემდეგ პიცას მიირთმევდა, UFC-ის პრეზიდენტს დანა უაითს მიუბრუნდა და იხუმრა:
გინდა, რომ ახლავე მაქსს შევხვდე? თუ გინდა, ახლავე შევალ ოქტაგონზე.
ლას-ვეგასის ტი-მობილ არენას დატოვებისას, პიმბლეტი პირისპირ შეხვდა მაქს ჰოლოუეის. ყოფილმა ჩემპიონმა პედი შეაქო და თბილად მიულოცა გამარჯვება:
გილოცავ, ძმაო. ეს იყო საოცარი, ძმაო, მართლა საოცარი იყო.
პიმბლეტი და ჰოლოუეი ამჟამად მსუბუქი წონის რეიტინგში ერთმანეთის გვერდიგვერდ იმყოფებიან, მას შემდეგ, რაც პედიმ თავისი კარიერის ყველაზე მნიშვნელოვანი გამარჯვება მოიპოვა და რეიტინგში 4 საფეხურით დაწინაურდა.
ჰოლოუეის თქმით, ის გეგმავს, რომ ოქტაგონს 2027 წლამდე აღარ დაუბრუნდეს, რადგან მიმდინარე წელს უკვე ორი რთული დაპირისპირება ჩაატარა (მარტსა და ივლისში).
