რატომ უფრთხის თოფურია პიმბლეტთან შეხვედრას?

UFC-ის ყოფილი ჩემპიონი მაიკლ ბისპინგი ეჭვობს, რომ ილია თოფურია უარს იტყვის პედი პიმბლეტთან დაპირისპირებაზე.

ბისპინგის აზრით, პიმბლეტის შთამბეჭდავმა გამარჯვებამ UFC 329-ზე, სადაც მან ბენუა სენ-დენი სულ რაღაც 52 წამში დაამარცხა, თოფურიაზე შესაძლოა დიდი გავლენა მოახდინა.

მიუხედავად იმისა, რომ მათ შორის არსებულ მრავალწლიანი მტრობას, რომელიც მწვავე განცხადებებში გამოიხატებოდა, ამ ბრძოლას გულშემატკივრებისთვის ერთ-ერთ ყველაზე სასურველ დაპირისპირებად აქცევს, ბისპინგი ვარაუდობს, რომ თოფურია სიფრთხილეს გამოიჩენს.

საკითხს ისიც ართულებს, რომ ილია თოფურიამ ჯასტინ გეიჯისთან გამართული ბრძოლის შემდეგ სერიოზული დაზიანებები მიიღო და მას ოქტაგონზე დასაბრუნებლად და რეაბილიტაციისთვის გარკვეული დრო დასჭირდება.

შესაბამისად, ჯერჯერობით უცნობია, იქნება თუ არა თოფურია მზად პიმბლეტთან შესახვედრად უახლოეს მომავალში. მიუხედავად იმისა, რომ პედი პიმბლეტი მსუბუქი წონის რეიტინგში მე-5 ადგილამდე ავიდა და თოფურიას ოფიციალურად გამოიწვევს, ეს დაპირისპირება ამ ეტაპზე კვლავ ჰიპოთეტურ დონეზე რჩება.

ბისპინგის აზრით, მიუხედავად იმისა, რომ ეს ბრძოლა ფინანსურად და მაყურებლის ინტერესის კუთხით გიგანტური იქნება, თოფურიასთვის რისკები საკმაოდ მაღალია.