კონორ მაკგრეგორმა, რომელმაც UFC 329-ზე მაქს ჰოლოუეისთან ბრძოლის დაწყებიდან მალევე მუხლის მძიმე ტრავმა მიიღო, სოციალურ ქსელში ახალი ვიდეო გამოაქვეყნა.
ვიდეოში ირლანდიელი მებრძოლი საკუთარ ენერგეტიკულ სასმელს არეკლამებს და დაბადების დღეს ულოცავს საკუთარ თავს. მან კიდევ ერთხელ დაადასტურა, რომ ოქტაგონზე დაბრუნებას აპირებს.
სპორტული მედიცინის სპეციალისტმა, დოქტორმა ბრაიან სატერერმა, რომელიც მაკგრეგორის ტრავმის მიმდინარეობას დეტალურად აანალიზებს, ვიდეოს საფუძველზე ოპტიმისტური პროგნოზი გააკეთა.
ექიმის თქმით, ის ფაქტი, რომ მაკგრეგორი ვიდეოში სპეციალური სამედიცინო ფიქსატორის (ბრეკეტის) გარეშე ჩანს, მიანიშნებს იმაზე, რომ მას, სავარაუდოდ, არ აქვს მუხლის გვერდითი იოგების (MCL/LCL) მაღალი ხარისხის დაზიანება.
ასევე დადებითი ნიშანია მუხლის მოხრის დიაპაზონი, რომელიც, დოქტორის აზრით, 90 გრადუსს აღწევს და მაკგრეგორი შედარებით კომფორტულად გამოიყურება. ექიმი ხაზს უსვამს, რომ მთავარი კითხვა კვლავ ჯვარედინი იოგების და მენისკის დაზიანების ხარისხს უკავშირდება, რადგან აღდგენის დრო ამ ორ შემთხვევას შორის მკვეთრად განსხვავებულია.
მაკგრეგორმა უკვე დაადასტურა, რომ ოპერაცია გარდაუვალია, თუმცა მისი განწყობა ოპტიმისტურია.
