მსოფლიო ჩემპიონატის პლეი-ოფის მე-3 დღეს ფეხბურთის გულშემატკივრებს 3 უმაღლესი დონის მატჩი ელოდებათ.
დღის პირველი შეხვედრა დალასში გაიმართება, სადაც კოტ-დ’ივუარი და ნორვეგია დაუპირისპირდებიან ერთმანეთს.
„სპილოები“ მსოფლიო ჩემპიონატის ისტორიაში პირველად გავიდნენ პლეი-ოფის ეტაპზე, მას შემდეგ რაც E ჯგუფში მე-2 ადგილი დაიკავეს.
სტოლე სოლბაკენის გუნდმაც საკუთარ ჯგუფში მე-2 პოზიცია მოიპოვა, ხოლო ერლინგ ჰალანდმა ჯგუფური ეტაპის 2 მატჩში 4 გოლის გატანა მოახერხა.
მოგვიანებით გულშემატკივრები ევროპულ დაპირისპირებას იხილავენ. მსოფლიოს ორგზის ჩემპიონი საფრანგეთი ნიუ-ჯერსიში შვედეთს შეხვდება.
ფრანგებმა ჯგუფური ეტაპი იდეალური შედეგით დაასრულეს, ხოლო შვედეთმა F ჯგუფიდან მე-3 ადგილის დაკავების მიუხედავად მოახერხა პლეი-ოფში გასვლა.
ორივე გუნდს ძლიერი შეტევითი პოტენციალი აქვს და მათ ჯგუფურ ეტაპზე საერთო ჯამში 17 გოლი გაიტანეს.
დღეს თანამასპინძელი მექსიკა დაასრულებს, რომელიც მეხიკოს სტადიონზე ეკვადორს დაუპირისპირდება.
„ელ ტრის“ ამ ლეგენდარულ არენაზე მსოფლიო ჩემპიონატების ფარგლებში ჩატარებულ 10 მატჩში 8 გამარჯვება და 2 ფრე აქვს.
თუმცა სამხრეთამერიკელები შეხვედრას შესანიშნავ ფორმაში ხვდებიან - მათ ბოლო 22 მატჩიდან მხოლოდ ერთი წააგეს და გერმანიასთან გამარჯვების შემდეგ დიდი თავდაჯერებით არიან სავსე.
სავარაუდო შემადგენლობები
კოტ დ'ივუარი - ნორვეგია (30 ივნისი, 21:00)
კოტ დ'ივუარი - ფოფანა; დუე, კოსუნუ, დიომანდე, კონანი; სანგარე, კესი; დიალო, ინაო ულაი, დიომანდე; პეპე
ნორვეგია - ნილანი; ორსნესი, აიერი, ლისაკერ ჰეგემი, ვულფე; ოდეგორი, ბერგე, ბერგი; სორლოტი, ჰალანდი, ნუსა
საფრანგეთი - შვედეთი (1 ივლისი, 01:00)
საფრანგეთი - მენიო; კუნდე, უპამეკანო, სალიბა, დინი; ჩუამენი, რაბიო; დემბელე, ოლისე, დუე; მბაპე
შვედეთი - ვიდელ ზეტერსტრომი; ლაგერბილკე, ლინდელოფი, გუდმუნდსონი; ბერნჰარდსონი, კარლსტრომი, აიარი, სტრაუდი; ელანგა, გიოკერესი, ისაკი
მექსიკა - ეკვადორი (1 ივლისი, 05:00)
მექსიკა - რანხელი; სანჩესი, მონტესი, ვასკესი; გალიარდო; გუტიერესი, ალვარესი, რომო; ალვარადო, ხიმენესი, კინიონესი
ეკვადორი - გალინდესი; ფრანკო, ორდონესი, პაჩო, ჰინკაპიე; იებოა, კაისედო, ვიტე, ანგულო; პლატა, ვალენსია
