პრემიერ ლიგის გუნდებს ჩემპიონთა ლიგის პირველი 1/8 ფინალები აშკარად ჩაუვარდათ. ექვსიდან ვერცერთმა გუნდმა ვერ შეძლო გამარჯვების მოპოვება, რამდენიმემ კი 1/4 ფინალში გასვლის შანსები თითქმის მთლიანად დაკარგა.
მთავარი ჩავარდნა სიტის და ჩელსის აქვთ — ტოტენჰემის იმედი თავიდანვე არ ჰქონდათ
მაგალითად, ბუკმეიკერებს თუ დავუჯერებთ, პირველ 1/8 ფინალებამდე მან სიტის შემდეგ ეტაპზე გასვლის შანსები 70%-ს შეადგენდა, ახლა კი 21%-მდე დაეცა. ეტიჰადზე გუნდს რეალთან 0:3-დან აქვს დასაქამბექებელი.
ჩელსის შანსები პსჟ-სთან თავიდანვე არც ისე მაღალი იყო (44%), 2:5 წაგების შემდეგ კი სულაც 10%-მდე დაეცა.
გალათასარაისთან ლივერპულის შანსები აქამდე თუ 84%-ით ფასდებოდა, ახლა 0:1 მარცხის შემდეგ 68%-მდე დაეცა, ენფილდის ფაქტორი უფრო მეტად შანსების შემცირების უფლებას არ იძლევა.
არსენალმა ლევერკუზენთან ბოლო წუთებზე გადაარჩინა თამაში და გასვლაზე ნათამაშები 1:1-ს შემდეგ, შემდეგ ეტაპზე გასვლის შანსები მხოლოდ ოდნავ შემცირდა — მატჩამდე 88% იყო, ახლა კი 81%-ია.
ნიუკასლის ბუკმეიკერებს არც მატჩამდე სჯეროდათ დიდად (31%), ხოლო სენტ-ჯეიმს პარკზე ვერ მოგებული მატჩის შემდეგ კი, კიდევ უფრო ნაკლებად სჯერათ (28%).
ყველაზე უიმედო მდგომარეობა კი ტოტენჰემს აქვს, რომლის შანსებიც ატლეტიკოსთან პირველ მატჩამდე 34%-ით ფასდებოდა, ახლა კი, რაც გუნდმა მეტროპოლიტანოზე კომიკურად 2:5 წააგო, პროცენტული მაჩვენებელი სულაც 8-მდე დაეცა.
საპასუხო მატჩები 17 და 18 მარტს გაიმართება.
