"კვარაცხელიას გოლი ფანტასტიკური იყო" - ჩელსის მწვრთნელი

ლონდონის ჩელსის მთავარმა მწვრთნელმა, ლიამ როსენიორმა პსჟ-სთან 2:5 მარცხის შემდეგ, ჟურნალისტებთან კომენტარი გააკეთა და ერთ-ერთ მონაკვეთში ხვიჩა კვარაცხელიას გოლს შეეხო.

"გოლები გუნდს მომენტუმსა და თავდაჯერებას აძლევს. მეოთხე გოლი, რომელიც კვარაცხელიამ გაიტანა, ფანტასტიკური იყო. 4:2-ს კიდევ არა უშავდა, ჩვენი ღამე არაა და 2-ბურთიანი დეფიციტი უნდა აღმოვფხვრათ, მაგრამ მე-5 გოლმა სიმშვიდე წაგვართვა, ეს იყო სასჯელი ნამდვილად კარგი გუნდისგან", - აღნიშნა როსენიორმა.

ხვიჩა კვარაცხელიამ, ჩემპიონთა ლიგის 1/8 ფინალის პირველ მატჩში, ჩელსისთან ცვლილებაზე, ბოლო 28 წუთი ითამაშა და დუბლი და საგოლე გადაცემა შეასრულა.

კვარადონასთვის ჩემპიონთა ლიგაზე პირველი დუბლია. ასევე, ხვიჩა კვარაცხელია პირველი ქართველია, ვინც ჩემპიონთა ლიგის პლეი-ოფის მატჩში დუბლი შეასრულა.

ხვიჩამ წლევანდელ ჩემპიონთა ლიგაზე 10 საგოლე მოქმედება მოაგროვა - 6 გოლი და 4 ასისტი. სულ ამ ტურნირზე ჩატარებულ 36 თამაშში 22 საგოლე მოქმედება აქვს - 11 გოლი და 11 ასისტი.

პსჟ და ჩელსი მომდევნო სამშაბათს, 17 მარტს, სტემფორდ ბრიჯზე ითამაშებენ და 1/4 ფინალში გამსვლელს გაარკვევენ.

ასევე ნახეთ: კვარაცხელია ჩემპიონთა ლიგის კვირის მოთამაშის ჯილდოსთვის იბრძვის