„ვუთხარი, რომ მესიმ ერთ მატჩში ორჯერ გამიტარა ფეხებს შორის", — კურტუამ ტოტენჰემის მეკარე გაამხნევა

ტიბო კურტუამ მატჩის შემდეგ ტოტენჰემის მეკარე კინსკის მხარდამჭერი შეტყობინება გაუგზავნა.

ახალგაზრდა მეკარეს ლიგაზე დებიუტი ჰქონდა და პირველ 15 წუთში ატლეტიკოსგან 3 გოლი გაუშვა, საიდანაც 2 — მისი უშუალო შეცდომით გავიდა. ამის შემდეგ იგორ ტუდორმა ის მოედნიდან გაიყვანა და მის ნაცვლად ვიკარიო შემოვიდა.

„ტოტენჰემის მატჩის შემდეგ ანტონინ კინსკის დავუკავშირდი და ვუთხარი, რომ შეცდომები ატლეტიკოშიც დამიშვია და ჩელსიშიც. ისიც ვუთხარი, რომ მესიმ ერთ მატჩში ორჯერ გამიტარა ბურთი ფეხებს შორის.

ისიც ვუთხარი, რომ ამ ყველაფრიდან გაკვეთილი უნდა აიღოს, ცხოვრება და ფეხბურთი რთულია, თუმცა თავდაჯერება უნდა შეინარჩუნოს, ეს არის ერთადერთი გზა.

მეკარის პოზიცია ძალიან მოწყვლადია. ჩვენი შეცდომა ყოველთვის გოლით სრულდება. ტოტენჰემს და მის თითოეულ ფეხბურთელს ვთხოვ, მას მხარი დაუჭირონ." — აღნიშნა ბელგიელმა სიტისთან მატჩის შემდეგ.