პრემიერ ლიგის 2026/27 წლების სეზონისთვის კლუბებმაგამორჩეული სათამაშო ფორმები წარადგინეს, სადაც რეტრო სტილი, კლასიკური ესთეტიკა და ინოვაციური დიზაინი ერთმანეთს იდეალურად ერწყმის.
დიდ ყურადღებას იქცევს გასვლითი მაისურები, რომელთაგან რამდენიმე განსაკუთრებით დასამახსოვრებელია. წარმოგიდგენთ პრემიერ ლიგის კლუბების ხუთ საუკეთესო გასვლით ფორმას:
არსენალი (Adidas): ლეგენდარული Bruised Banana-ის დიზაინის თანამედროვე ინტერპრეტაცია. მუქი ლურჯი ბაზა, რომელზეც ყვითელი და წითელი დეტალებია დატანილი, 90-იანი წლების ნოსტალგიას აცოცხლებს და სეზონის ერთ-ერთ ყველაზე მოდურ ფორმად ითვლება.
მანჩესტერ იუნაიტედი (Adidas): რეტრო სტილის ეს მაისური 80-იანი წლების ბოლოს მოქმედი დიზაინითაა შთაგონებული. ლურჯი ფერი, წითელი მორთულობა საყელოსა და ხელებზე, ისევე როგორც მდინარე ირველის შთაგონებით შექმნილი ტალღოვანი პრინტი, მაისურს განსაკუთრებულ ხიბლს სძენს.
ლიდს იუნაიტედი (Adidas): მანჩესტერ იუნაიტედის მაისურის მსგავსად, ადიდასმა ლიდსის გასვლითი ფორმისთვის მარტივი, მაგრამ სასიამოვნო დიზაინი აირჩია. კლუბის ძველი გერბის არჩევა შესანიშნავი დეტალია.
იფსვიჩ თაუნი (Umbro): უმბროს კლასიკური და სუფთა დიზაინი 1996-98 წლების გასვლითი ფორმის მოტივებზეა შექმნილი. კრემისფერ ბაზაზე შავი და წითელი ჰორიზონტალური ზოლები მაისურს ელეგანტურ და დახვეწილ სახეს აძლევს.
ნოტინგემ ფორესტი (Adidas): მინიმალისტური და გემოვნებანი არჩევანი. მუქი მწვანე ფერის ბაზა და ფოთლებით შექმნილი პრინტი წითელ მხრის ზოლებსა და კლასიკურ თეთრ დეტალებთანაა შერწყმული.
