ჩემპიონთა ლიგის მესამე ტურში ფეხბურთის მოყვარულებს სუპერმატჩი ელოდებათ - ხვიჩა კვარაცხელიას პარი სენ-ჟერმენი პარკ დე პრენსზე ბარსელონას უმასპინძლებს.
ორივე გუნდმა ევროპულ არენაზე სეზონი იდეალურად დაიწყო, პარიზელებსაც და კატალონიელებსაც ორ ტურში 6-6 ქულა აქვთ მოპოვებული და ჯგუფს ლიდერობენ. ლუის ენრიკეს გუნდი მიმდინარე გათამაშებაში განსაკუთრებით შედეგიანი შეტევით გამოირჩევა, თუმცა ჰანსი ფლიკის ბარსელონაც ბრწყინვალე ფორმაშია და გალათასარაისთან მოპოვებული დამაჯერებელი გამარჯვება (4:1) ამის ნათელი დასტურია.
ტაქტიკური თვალსაზრისით, პარიზელთა მთავარი იარაღი ფლანგებიდან სწრაფი შეტევები და ინდივიდუალური ოსტატობა იქნება, სადაც კვარაცხელიასა და დემბელეს უდიდესი როლი დაეკისრებათ. თავის მხრივ, ბარსელონა ეცდება ცენტრში თამაშის გაკონტროლებას და მეტოქის პრესინგის დაძლევას.
ვინაიდან ორივე გუნდს თავდასხმაში კოლოსალური პოტენციალი აქვს, დაცვაში კი ხშირად უშვებენ შეცდომებს, გულშემატკივარი დიდებულ და უხვგოლიან სანახაობას ელოდება. ძალთა თანაბარი განაწილებიდან გამომდინარე, ფრე (მაგალითად, 2:2) სრულიად ლოგიკური შედეგი იქნება, სადაც დიდი ალბათობით ორივე გუნდის მიერ გატანილ გოლებს ვიხილავთ.
