პულიშიჩმა დონოვანის რეკორდი გაიმეორა

მილანის შემტევი კრისტიან პულიშიჩი წლის საუკეთესო ამერიკელ ფეხბურთელად დასახელდა.

25 წლის შემტევმა აღნიშნული ჯილდო კარიერაში მეოთხედ მოიგო - აქამდე მან ეს 2017, 2019 და 2021 წლებში გააკეთა.

ჯილდოს მეოთხედ მოგებით პულიშიჩმა ლენდონ დონოვანის რეკორდი გაიმეორა, რომელიც აშშ-ს წლის ფეხბურთელად 2003, 2004, 2009 და 2010 წლებში სახელდებოდა.

წლის საუკეთესო ახალგაზრდა ამერიკელ ფეხბურთელად 20 წლის კევინ პარედესი დაასახელეს, რომელიც ვოლფსბურგში ასპარეზობს.