ოთარ მამაგეიშვილის ვოლფსბერგერი ავსტრიის თასის 1/16-ფინალურ ეტაპზე პარნდორფს დაუპირისპირდა და მძიმე, დაძაბულ ბრძოლაში, პენალტების სერიის წყალობით გადავიდა შემდეგ რაუნდში.
მატჩის ძირითადი დრო ფრედ, 2:2 დასრულდა, ხოლო თერთმეტმეტრიანების დრამატულ სერიაში ვოლფსბერგერმა 5:4 იმარჯვა.
საქართველოს ახალგაზრდული ნაკრების ყოფილი ნახევარმცველი შეხვედრას ძირითად შემადგენლობაში იწყებდა, მწვრთნელის ნდობა ბოლომდე გაამართლა და მოედანზე შეუცვლელად ითამაშა, თუმცა თამაშის მიმდინარეობაში არბიტრისგან ყვითელი ბარათიც მიიღო.
აღსანიშნავია, რომ ავსტრიულ ტურნირში ქართველი ფეხბურთელები წარმატებულად ასპარეზობენ.
გრაცის შტურმის შემადგენლობაში მოთამაშე ოთარის ტყუპისცალმა, გიზი მამაგეიშვილმა და გამოცდილმა ოთარ კიტეიშვილმაც გამოიჩინეს თავი. მათ ვოიცბერგთან გამარჯვებაში (4:1) თითო გოლი მიითვალეს და გუნდს შემდეგეტაპიანი საგზურის მოპოვებაში დიდი დახმარება გაუწიეს.
VIDEO: გიზი და კიტე - ქართული შტურმი ავსტრიის თასზე
