ყირგიზეთში გადადის - კვერკველია აგენტთან ერთად ბიშკეკშია

საქართველოს ნაკრების წევრი, საბა კვერკველია ყირგიზეთის ჩემპიონატის დებიუტანტ ტოქთოგულის რიგებში ითამაშებს.

33 წლის მცველი, რომელმაც წინა სეზონი ქუთაისის ტორპედოში გაატარა, ბიშკეკში აგენტ გეგი კიკაბიძესთან ერთად იმყოფება და ახალ კლუბთან 2-წლიან კონტრაქტს გააფორმებს.

Adjarabet Arena-ს ინფორმაციით, კვერკველიას ოფიციალურად ხვალ, 14 იანვარს წარადგენენ, 21 იანვარს კი გუნდთან ერთად შეკრებაზე ანტალიაში გაემგზავრება.

ტოქთოგული 2021 წელს დაარსდა, გასული სეზონი რანგით მე-2 დივიზიონში გაატარა და უმაღლესი ლიგის საგზური მოიპოვა.

საბა კვერკველიამ ეროვნული ლიგის დასრულებულ სეზონში 25 მატჩში ჩაატარა და 2 გოლი და 1 ასისტი მიითვალა.