მიხეილ ნარიაშვილი საქართველოს რაგბის ნაკრების შერკინების მწვრთნელად დაინიშნა. ამის შესახებ სოციალური მედია FreeRugby წერს.
35 წლის ნარიაშვილი ბორჯღალოსნების ღირსებას 12 წლის განმავლობაში, 2012-24 წლებში იცავდა და 75 კეპი აქვს აქტივში. 3 მსოფლიო თასზე ითამაშა - 2015; 2019 და 2023.
აღსანიშნავია, რომ იგი აქამდე საქართველოს 20-წლამდელთა ნაკრებში ასევე შერკინების მწვრთნელის ფუნქციას ასრულებდა - ამიერიდან ორივე პოსტზე პარალელურად იმუშავებს.
შეგახსენებთ, საქართველოს ნაკრების მთავარი მწვრთნელის პოსტს ივლისიდან ფრანგი პიერ-ანრი ბრონკანი დაიკავებს, მის ჩამოსვლამდე კი თანამდებობაზე მისივე მომავალი ასისტენტი, მარკო ბორტოლამი იმუშავებს.
