სერბეთის ქალაქ ჟრეიანინში მიმდინარე თავისუფალი ჭიდაობის 23-წლამდელთა ევროპის ჩემპიონატზე, კონსტანტინე პეტრიაშვილმა საპრიზო ადგილი დაიკავა.
97 კგ. წონით კატეგორიაში, პეტრიაშვილი ასპარეზობაში 1/4 ფინალიდან ჩაერთო, პოლონელ მეტოქეს 11:4 აჯობა და 1/2 ფინალში რუს მუჰამედ ტაჰირ ხანიევზე გავიდა - ბრძოლა ხანიევის სასარგებლოდ - 14:4 დასრულდა.
მე-3 ადგილისთვის შეხვედრაში, კონსტანტინემ ბერძენ ნიკოლაოს კარავანოსს 4:0 მოუგო და ბრინჯაოს მედლის მფლობელი გახდა.
ნაკრებისთვის მიმდინარე ტურნირზე მე-3 მედალია - ნიკოლოზ ბოჭორიშვილმა (57 კგ.) და გიორგი გოგრიჭიანმა (79 კგ.) ასევე ბრინჯაოს მედალი მოიპოვეს.
