საქართველოს ეროვნული ნაკრები სლოვაკეთში ჩავიდა, სადაც უეფას ერთა ლიგის ჯგუფური ეტაპის დასკვნით შეხვედრაში უკრაინის ნაკრებს დაუპირისპირდება.
მატჩი 17 ნოემბერს, სლოვაკეთის ქალაქ კოშიცეში გაიმართება.
დღეს ჯვაროსნები კოშიცე არენაზე ივარჯიშებენ. მანამდე მთავარი მწვრთნელის მატჩისწინა პრესკონფერენციაა ჩანიშნული.
საქართველოს ნაკრებს უკრაინელებთან მატჩისთვის გიორგი ქოჩორაშვილი დაუბრუნდება, რომელმაც უნგრეთთან თბილისური შეხვედრა დისკვალიფიკაციის გამო გამოტოვა.
მნიშვნელოვანი შეხვედრა 17 ნოემბერს, თბილისის დროით 23:45 საათზე დაიწყება.