მარკ-ანდრე ტერ შტეგენმა სოციალურ ქსელში ბარსელონას ფანებისთვის მიმართვა გამოაქვეყნა.
კლუბსა და გერმანელ გოლკიპერს შორის ბოლო პერიოდში სერიოზული კონფლიქტია გაჩაღებული, რის ფონზეც ფეხბურთელს გუნდის კაპიტნის სამკლაურიც კი ჩამოართვეს.
მარკ-ანდრე ტერ შტეგენის განცხადება:„ბოლო რამდენიმე თვე ჩემთვის რთული იყო, როგორც ფიზიკურად, ისე პირადად. ჩემი მთავარი პრიორიტეტი ყოველთვის იყო მოედანზე დაბრუნება და გუნდის დახმარება.
ოპერაციის გაკეთების გადაწყვეტილება მივიღე სამედიცინო პერსონალთან ერთად და კლუბის თანხმობით, რათა დამეცვა ჩემი გრძელვადიანი კარიერა.
ბევრი უსაფუძვლო სპეკულაცია გაჩნდა. მინდა განვმარტო, რომ ყველა ტრანსფერი და კონტრაქტის გახანგრძლივება ჩემს ოპერაციამდე შეთანხმდა. ამიტომ უსამართლობა იქნება იმის თქმა, რომ კლუბმა ჩემი ტრავმის გამოყენება მოინდომა სხვის დასარეგისტრირებლად.
ყოველთვის ვმოქმედებდი პროფესიონალურად და პატივისცემით. ძალიან მიყვარს ბარსა, ეს ქალაქი და გულშემატკივრები. ჩემი ერთგულება კლუბის მიმართ აბსოლუტურია.
მზად ვარ კლუბის მენეჯმენტთან ერთად ვიმუშაო, რათა ეს სიტუაცია კონსტრუქციულად გადაწყდეს.ბევრი რამ შეიძლება შეიცვალოს, მაგრამ ერთი არასოდეს შეიცვლება: მიყვარხართ, კულეებო!“ - წერს სოციალურ ქსელში გერმანელი მეკარე.
