მსოფლიო ფეხბურთში უპრეცედენტო კრიზისია.
პლანეტის სამმა ყველაზე გავლენიანმა ფედერაციამ, უეფამ, აზიის ფეხბურთის კონფედერაციამ და კონკაკაფმა ფიფას პრეზიდენტის, ჯანი ინფანტინოს წინააღმდეგ მკაცრი და ღია წერილი გამოაქვეყნეს, რომელშიც მას კოლექტიური ნდობის გატეხასა და საკუთარი თავის ფეხბურთზე მაღლა დაყენებაში ადანაშაულებენ.
კონფლიქტის მთავარი მიზეზი მსოფლიო ჩემპიონატის კომერციული წილების გაყიდვის მცდელობა გახდა. განცხადების თანახმად, ეს გადაწყვეტილება ფედერაციების ზურგს უკან, ყოველგვარი საჯარო განხილვისა და დებატების გარეშე იქნა მიღებული.
ფედერაციები კატეგორიულად უარყოფენ ფიფას მცდელობას, რომ ეს სკანდალური ნაბიჯი „საკომუნიკაციო შეცდომად“ წარმოჩინდეს და მიიჩნევენ, რომ საქმე ეხება ორგანიზაციის წევრების მიზანმიმართულ მოტყუებას.
ერთ-ერთ მთავარ დარღვევად სახელდება მაროკოში გამართული საიდუმლო შეხვედრა, რომელსაც მხოლოდ ფიფას თანამშრომლები ესწრებოდნენ, ხოლო საბჭოს არჩეული წარმომადგენლები სრულად იყვნენ იგნორირებულები. ამ ფონზე, სამივე ორგანიზაცია დამოუკიდებელი და გარე გამოძიების ჩატარებას, ასევე საქმესთან დაკავშირებული ყველა დოკუმენტისა და ჩანაწერის შენარჩუნებას მოითხოვს.
