რა შემთხვევაში წავა ნეიმარი მსოფლიო ჩემპიონატზე?

კარლო ანჩელოტიმ აღნიშნა, რომ ნეიმარს მსოფლიო ჩემპიონატზე მხოლოდ სრული მზადყოფნის შემთხვევაში წაიყვანს.

უკანასკნელად ნეიმარმა ნაკრების მაისურით 2023 წლის ოქტომბერში ითამაშა.

„ის 100%-ით მზად უნდა იყოს. ბევრი კარგი ფეხბურთელი გვყავს განკარგულებაში და მიწევს მხოლოდ იმის არჩევა, ვინც 100%-ით არის მზად. ეს მხოლოდ ნეიმარს კი არა, სხვასაც ეხება - თუნდაც ვინისიუსს.

თუ ვინისიუსი 90%-ით იქნება მზად, სხვა ფეხბურთელს გამოვიძახებ, ვინც 100%-ზე იქნება, იმიტომ რომ უმაღლესი დონის ფეხბურთელები გვყავს, მითუმეტეს შეტევაში. მართლა ბევრი კარგი შემტევი გვყავს.

ნეიმარი უნიჭიერესია, თუმცა ტრავმების გამო ძალიან არ გაუმართლა. სხვადასხვა დაზიანებების გამო მან ოპტიმალური ფორმის აკრეფა ვერ შეძლო." - აღნიშნა ანჩელოტიმ.