რა თქვა კიოლნის მოთამაშემ ლოჩოშვილზე?

კიოლნის ცენტრალურმა მცველმა ჯამაი სიმპსონ-პიუზიმ ადგილობრივ მედიასთან ლუკა ლოჩოშვილთან ურთიერთობასა და გუნდის სამომავლო გეგმებზე ისაუბრა.

20 წლის ინგლისელმა ფეხბურთელმა, რომელიც კიოლნში მანჩესტერ სიტიდან იჯარით არის აყვანილი, ქართველ მცველზე აღნიშნა:

კარგი ურთიერთობა გვიყალიბდება, თამაშიდან თამაშამდე სულ უფრო უკეთესად ვიცნობთ ერთმანეთსა და ჩვენს ძლიერ და სუსტ მხარეებს და ერთმანეთს ვავსებთ. აქედან გაკვეთილი უნდა ვისწავლოთ და წინსვლა ერთად გავაგრძელო.

მიუხედავად იმისა, რომ ლოჩოშვილისთვის ბუნდესლიგაში წარმატებული სადებიუტო მატჩის შემდეგ ბოლო შეხვედრები გუნდისთვისა და პირადად ქართველი მცველისთვის რთული გამოდგა, მას შესაძლებლობა ექნება მდგომარეობა უკეთესობისკენ შეცვალოს.

კიოლნი მომდევნო მატჩს 19 სექტემბერს, სტუმრად ჰამბურგთან გამართავს. ამჟამად გერმანიის მთავარ ლიგაში კიოლნს 1 მოგება, 1 ფრე და 1 წაგება აქვს და სატურნირო ცხრილში მე-12 პოზიციას იკავებს.