რას ნანობს რეალი ჩაბი ალონსოსთან დაკავშირებით?

მადრიდის რეალი ჩაბი ალონსოს გაშვებას არ ნანობს.

ესპანელმა სპეციალისტმა სამეფო კლუბი გასული წლის მაისში, სეზონის ბოლოს ჩაიბარა და ჯერ საკლუბო მსოფლიო ჩემპიონატზე უხელმძღვანელა, შემდეგ კი ახალი სეზონისთვის მოამზადა გუნდი.

თუმცა, მას შემდეგ, რაც სიტუაცია აირია და ალონსომ სადავეები გაუშვა ხელიდან, კლუბმა მისი გათავისუფლების გადაწყვეტილება დეკემბერშივე მიიღო. ინფორმაციას ავტორიტეტული ესპანური გამოცემა AS იტყობინება.

მიუხედავად მიღებული გადაწყვეტილებისა, რეალმა ალონსოს გაშვება დაახლოებით ერთი თვით გააჭიანურა, როგორც წყარო ამბობს, მის შემცვლელად შესაფერისი კანდიდატის მოყვანის ძიების მიზნით.

საბოლოოდ, ალონსო იანვარში გაუშვეს და მის ნაცვლად მეორე გუნდის მწვრთნელი, ალვარო არბელოა დაინიშნა, რომელმაც თავის სადებიუტო მატჩში მე-3 ლიგის გუნდთან თასზე წააგო და გამოვარდა, შემდეგ კი ჩემპიონთა ლიგას გამოეთიშა 1/4 ფინალიდან და ლა ლიგაში ბარსელონას 9 ქულით ჩამორჩება.

თუმცა, მიუხედავად არბელოას წარუმატებლობისა, კლუბი ალონსოს გაშვებას კი არა, მისი დეკემბრიდან იანვრამდე ერთი თვით დატოვებას ნანობს. ხელმძღვანელობის აზრით, ეს დრო ფუჭად დაიკარგა და მისი უფრო სარფიანად გამოყენება შეიძლებოდა - კერძოდ კი ჩაბის დროულად გაშვება და მისი შემცვლელის წლის ბოლოსვე დანიშვნა.