რეალი ეტიჰადზე აქამდე მიუღწეველის მისაღწევად ჩავა

მადრიდის რეალი ეტიჰად სტედიუმზე მომდევნო კვირაში თავისთვის ჯერ მიუღწეველი მიზნისთვის ჩავა.

 

საქმე ისაა, რომ ნახევარფინალში გასასვლელად მადრიდის რეალს მან სიტის სტადიონზე გამარჯვება ესაჭიროება, რადგან პირველი შეხვედრა სანტიაგო ბერნაბეუზე ფრედ 3:3 დასრულდა.

 

აქამდე მიუღწეველი კი ეს რეალისთვის იმიტომ არის, რომ სამეფო კლუბს ეტიჰადზე ისტორიაში ჯერჯერობით არცერთხელ არ მოუგია.

 

მან სიტის სტადიონმა რეალს 6-ჯერ უმასპინძლა, საიდანაც 4 შემთხვევაში გამარჯვება მან სიტის დარჩა, ორჯერ კი ფრე დაფიქსირდა.

 

საპასუხო დაპირისპირება 17 აპრილს, 23:00 საათზე გაიმართება.