კრიშტიანუ რონალდუმ Vogue-თან ინტერვიუში განაცხადა, რომ ალ ნასრთან კონტრაქტის ამოწურვის შემდეგ საფეხბურთო კარიერის დასრულებას გეგმავს.
41 წლის ფეხბურთელმა, რომელსაც კარიერაში 1000 გოლამდე მხოლოდ 24 აკლია, აღნიშნა:
ეს ალბათ ჩემი ბოლო წელია ფეხბურთში და მინდა, შესანიშნავი მემკვიდრეობა დავტოვო.
ჯორჯინა როდრიგესზე ქორწინების შემდეგ პორტუგალიელმა ვარსკვლავმა მომავალ გეგმებზეც ისაუბრა:
მომავალი სრულად გაწერილი მაქვს. იმდენი რამეა, რომ მხოლოდ ერთის თქმა მიჭირს. რადგან ფეხბურთმა შეიძლება დიდი სიცარიელე დატოვოს, დრო სხვადასხვა რაღაცებით უნდა შეავსო და არა მხოლოდ ერთი მიმართულებით.
რონალდუმ ასევე დასძინა, რომ პენსიაზე გასვლის შემდეგ მეტ დროს დაუთმობს მოგზაურობას, პადელის თამაშსა და ოჯახს:
ასევე მინდა, რომ უფრო გავერთო, ვიმოგზაურო, ვითამაშო პადელი, რომელიც ძალიან მომწონს და განვაგრძო იმით ტკბობა, რაც გამოვიმუშავე – რაც ჩვენ გამოვიმუშავეთ. ბოლოს და ბოლოს, ეს იყო 25 წელი დიდი მსხვერპლით.
