როდის დაბრუნდება ბრუნო ფერნანდეში?

მანჩესტერ იუნაიტედს იმედი აქვს, რომ ბრუნო ფერნანდეში მანჩესტერული დერბისთვის მოასწრებს მომჯობინებას.

გუნდის კაპიტანმა ასტონ ვილასთან განვლილ მატჩში (1:2) რბილი ქსოვილების დაზიანება მიიღო და როგორც დაიწერა, დაახლოებით ერთი თვე გაუცდება.

The Times-ის ინფორმაციით, წითელი ეშმაკების მთავარი მიზანია, რომ ფეხბურთელი 17 იანვარს სიტისთან მატჩისთვის იყოს მზად. ასეთ შემთხვევაში, პორტუგალიელი მხოლოდ ხუთ თამაშს გამოტოვებს — ნიუკასლთან, ვულვზთან, ლიდსთან, ბარნლისთან და ბრაიტონთან.

მიმდინარე სეზონში ბრუნომ 17 მატჩში მიიღო მონაწილეობა, რომლებშიც 5 გოლი და 2 საგოლე პასი მიითვალა.