მანჩესტერ სიტიმ ოფიციალურად დაადასტურა, რომ ესპანელმა ნახევარმცველმა როდრიმ ზურგზე მცირე ქირურგიული ჩარევა წარმატებით გადაიტანა.
კლუბის განცხადებით, ფეხბურთელს გარკვეული პერიოდის განმავლობაში დისკომფორტი აწუხებდა, ოპერაციამ კი ეს პრობლემა საბოლოოდ მოაგვარა.
ამჟამად როდრი სარეაბილიტაციო კურსს იწყებს, თუმცა მისი მოედანზე დაბრუნების ზუსტი თარიღი ჯერჯერობით უცნობია. ინგლისის მოქმედმა ჩემპიონმა გულშემატკივრებს პირობა მისცა, რომ ესპანელი ვარსკვლავის გამოჯანმრთელების პროცესზე ინფორმაციას ეტაპობრივად გაავრცელებს.
ესპანელის ჯანმრთელობის მდგომარეობასა და კარიერულ გეგმებს მადრიდის რეალი და ბარსელონა ყურადღებით აკვირდებიან. 28 წლის ნახევარმცველს მანჩესტერელებთან კონტრაქტი მომავალ ზაფხულს ეწურება, რაც იმას ნიშნავს, რომ იანვრიდან მას ნებისმიერ მსურველ კლუბთან წინასწარი ხელშეკრულების გაფორმება თავისუფლად შეეძლება.
